საიტის კოსტომიზაცია გაკეთებულია www.webarti.ge-ის მიერ 2016 წლის ივნის-ივლისში!
ჩვენს შესახებ
ორიოდე სიტყვა საიტის დამფუძნებლებისგან
ოცდახუთი წელიწადია, რაც დემოკრატიას ვაშენებთ, მაგრამ, სამწუხაროდ, სიტყვა ჯერ კიდევ ვერ განთავისუფლდა გარეგანი თუ შინაგანი ცენზურისგან. საზოგადოების დიდმა ნაწილმაც ვერ გამოიმუშავა განსხვავებული აზრის მოსმენისა და გაანალიზების კულტურა. საზოგადოებრივ ცნობიერებაში ჯერ კიდევ მრავალი შაბლონი და სტერეოტიპი არსებობს, რომელიც მხოლოდ წარსულიდან კი არ არის გადმოყოლილი, არამედ ახალი შექმნილია და ამ ეპოქისთვის დამახასიათებელი სპეციფიკა აქვს. ქართლ პრესასა და ინტერნეტსივრცეში, აგრეთვე, თვალშისაცემია ანალიტიკური (მითუმეტეს, პროფესიონალური) მასალების სიმწირე. საიტი სწორედ ამ ვაკუუმის შევსებას ისახავს მიზნად, პირველ რიგში, მკითხველების თანადგომის იმედით...
პოლიტოლოგი ჰამლეტ ჭიპაშვილი
საიტის მუშაობაში მონაწილეობას ღებულობენ ცნობილი ჟურნალისტები და საზოგადო მოღვაწეები: ვალერი კვარაცხელია, ირინა ჯორბენაძე და სხვები. პროექტის ხელმძღვანელი - პოლიტოლოგი ჰამლეტ ჭიპაშვილი.
პარტნიორებს!
ჩვენი მასალების გამოყენების შემთხვევაში, გთხოვთ, ქვემოთ მოცემულ სიტყვიერ ან ბანერის კოდს გაუკეთოთ კოპირება და განათავსოთ თქვენს საიტზე. გმადლობთ!
ახალი წლის დადგომასთან ერთად ჯამდება განვლილი წლის მუშაობის შედეგები როგორც ეკონომიკაში, ისე პოლიტიკაში. რა მოუტანა ქვეყანას უკვე ძველმა 2016 წელმა და რას მოუტანს ახალი 2017 წელი? ეს კითხვა მეტად აქტუალურია საზოგადოებაში, რაც არ არის გასაკვირი. ღვთის ანაბრად მიტოვებული ხალხი ზეცისკენ იყურება და იმედს მაინც არ კარგავს. მამაზეციერი თუ შეინდობს საქართველოს მოსახლეობას, თორემ ხელისუფლების იმედი ნამდვილად აღარ აქვს.
არადა, როგორი იმედი ჰქონდა 2012 წლის საპარლამენტო არჩევნების წინ? ბანდიტი, ჯალათი „ნაცური“ მთავრობის ხელისუფლებიდან მოსროლის შესაძლებლობა ხალხმა მილიარდერ ივანიშვილში დაინახა და გაუმართლდა კიდევაც. მაშინ სააკაშვილის კრიმინალური ბანდის მოშორებაზე ოცნებობდა ხალხი და ნაკლებ ყურადღებას აქცევდა ეკონომიკას.
ყურადღება ივანიშვილმა მიაქცევინა ათასი სახის დაპირებებით, ეკონომიკურ-სოციალური პროგრამებით, ერთი სიტყვით შესანიშნავი ცხოვრებით - დაყოფილი წლებზე - „ოცნების“ მმართველობის პირველი წელი ასეთი, მეორე - ისეთი, მესამე და მეოთხე, განსაკუთრებით მეოთხე - უბედნიერესი. და ხალხმაც დაიჯერა, თანაც იმდენად, რომ დანაპირების საწინააღმდეგოდ მიღებული შედეგებიც ტრაგიკულად არ მიიჩნია. ალბათ ასეა საჭიროო - იფიქრა, თან. ისიც იფიქრა - ძნელბედობას უდავოდ კარგი ცხოვრება მოჰყვებაო. ამ იმედებში გაილია „ოცნებური“ მმართველობის ოთხი წელი.
www.Isari.Ge ანალიტიკური საიტი - ყველაფერი პოლიტიკაზე
